Mańǵystaýda jartastan qulaǵan kóliktiń júrgizýshisi oqıǵa ornynda kóz jumdy

AQTAÝ. QazAqparat - Mańǵystaýda jartastan qulaǵan kóliktiń júrgizýshisi oqıǵa ornynda kóz jumdy, dep habarlaıdy QazAqparat tilishisi. Bul týraly Mańǵystaý oblysynyń Polıtsııa departamenti habarlaıdy.

8 qyrkúıek kúni túngi saǵat 00:10-da Túpqaraǵan aýdandyq polıtsııa bóliminiń kezekshi pýltine turǵynnan kúıeýiniń joǵalyp ketkeni týraly qońyraý túsedi. Onyń aıtýynsha, kúıeýi úıden kúndiz «Opel Vectra» avtokóligimen shyǵyp ketken. Áıel onymen telefon arqyly sóılesken, sodan keıin kúıeýi habar-osharsyz ketken.

Polıtsııa qyzmetkerleri túni boıy aýdan boıynsha izdeý júrgizedi. Kelesi kúni tańǵy saǵat 9:00 shamasynda ýchaskelik polıtsııa ınspektorlary Qyzyl-Ózen kentinde atalǵan avtokólikti tabady.

Belgili bolǵandaı, «Opel Vecrta» avtokóligi jartastan qulap ketken. Kólik salonynda tek júrgizýshi bolǵan. Qulaǵan kezdegi jaraqat saldarynan er adam oqıǵa ornynda kóz jumdy. Qazir tergeý amaldary júrgizilýde.