Mańǵystaýda jańa járdemaqyny 24 myń otbasy alady

AQTAÝ. QazAqparat – Mańǵystaý oblysynda 2020 jyldan bastap kópbalaly otbasylarǵa arnalǵan járdemaqyny 24 081 otbasy alady, dep habarlaıdy QazAqparat tilshisi.

Oblystyq áleýmettik baǵdarlamalar jáne jumyspen qamtýdy úılestirý basqarmasy basshysynyń orynbasary Qarashash Nurmamedova jańa járdemaqynyń erejeleri men talaptaryn túsindirip, kimder ala alatynyn aıtyp ótti.

«Oblysymyz boıynsha osy járdemaqyny alýǵa quqyly 24 081 otbasy bar. Onyń ishinde 16 690 otbasy 4 balaly otbasy retinde járdemaqyny alyp otyrǵandar. Mynaǵan nazar aýdarsańyzdar eken. 4 balaly otbasy retinde 10 600 teńge alyp otyrǵan otbasylar eshqaıda baryp, eshqaıda qujat jınap qajet joq. Tólem avtomatty túrde 42 500 bolyp ózgeredi», - dedi Qarashash Nurmamedova.

ıAǵnı, jańa járdemaqyǵa qujatty 4-shi balasy 2018 jyly dúnıege kelgen jáne buryn járdemaqy almaǵandar tapsyrady. Óńirde osyndaı 7 myńǵa jýyq otbasy bar.

«Jańadan taǵaıyndalatyn járdemaqynyń ótinish qabyldaý merzimine shek qoıylmaǵan. 4-ne deıin eken, 5-ne deıin eken deýdiń qajeti joq. Aıdyń aıaǵyna deıin, qańtar aıynyń ishinde de tapsyra beredi. Asyqpaı aýyl ákimderine, qalalyq jerde qalalyq halyqqa qyzmet kórsetý ortalyǵyna, áleýmettik ortalyqtarǵa tapsyrady», - dedi Qarashash Nurmamedova.

Óńirde ataýly áleýmettik kómekti kelesi jyldan bastap, 27 myń adam alady dep josparlanǵan. Sondaı-aq, respýblıka boıynsha balalarǵa arnalǵan kepildendirilgen áleýmettik paketti 10 myńǵa jýyq bala almaq.