Mańǵystaýda jańa oqý jylynda 6 mektep paıdalanýǵa beriledi

AQTAÝ. QazAqparat - Onyń úsheýi - aýdandarda. Munaıly, Túpqaraǵan, Qaraqııa aýdandarynda osy oqý jylynda 3 mektep qoldanysqa beriledi, dep habarlaıdy QazAqparat tilshisi.

Bul týraly óńirlik qoǵamdyq kommýnıkatsııa ortalyǵynda ótken brıfıngte Mańǵystaý oblystyq bilim basqarmasynyń basshysy Asqar Seıdalıev málimdedi.

Bıyl qyrkúıek aıynda Munaıly aýdany Batyr eldi mekeninen 960 oryndyq jáne Túpqaraǵan aýdany Aqshuqyr aýylynan 600 oryndyq mektep, Qaraqııa aýdanyndaǵy Jetibaı aýylynan 300 oryndyq mektep ashylady.

«Jańa oqý jylynda oblysta 141 mektepke - 160 630 oqýshy, onyń ishinde 1 synypqa 19 900 oqýshy keledi. Bıyl qyrkúıek aıynda 6 (3 memlekettik, 3 jekemenshik) mekteptiń qurylysy aıaqtalady. Sonymen qatar jyl sońyna deıin Aqtaý qalasynyń 34-shaǵynaýdanynda jańa mektep iske qosylady dep josparlanǵan» dep atap ótti basqarma basshysy.

Bıyldan bastap birinshi synypqa qujat qabyldaý EGOV.KZ elektrondyq úkimettiń veb-portalynda júrip jatyr.

Búginde 1-synypqa 12 myńnan asa ótinish tústi.

Ótinish qabyldaý 1 tamyzǵa deıin jalǵasady.