Mańǵystaýda jańa gaz óńdeý zaýyty salynady
«Memleket basshysynyń tapsyrmasyna sáıkes osy jylǵy 5 qańtardan bastap eldegi áleýmettik-ekonomıkalyq jaǵdaıdy turaqtandyrý úshin suıytylǵan gaz naryǵy boıynsha mynadaı shuǵyl is-sharalar qabyldandy. Óńirdiń qashyqtyǵyna baılanysty suıytylǵan munaı gazynyń bólshek saýda baǵasy lıtrine 50-den 75 teńgege deıingi dálizde belgilendi. Suıytylǵan munaı gazynyń shekti kóterme baǵasy 38,7-den 28 myń teńgege deıin tómendetildi. 2023 jylǵy 1 qańtarǵa deıin Saýda-sattyq qaǵıdalary toqtatyla turady. Oǵan sáıkes Energetıka mınıstrligi suıytylǵan gazdy elektrondyq saýda-sattyqtan tys satatyn bolady. Ónimdi berý josparyn qalyptastyrý qaǵıdalaryna túzetýler engizý jónindegi buıryq bekitildi. Oǵan sáıkes respýblıka aýmaǵynda kóterme jáne bólshek saýdada ótkizý quqyǵy bar sýbektilerdiń tizbesi keńeıtildi», - dedi ol mınıstrliktiń keńeıtilgen alqa otyrysynda.
Sonymen qatar ol suıytylǵan munaı gaz naryǵyndaǵy jaǵdaıdy turaqtandyrý jónindegi qosymsha is-sharalardy da atady
«Qosymsha is-sharalar retinde, onyń ishinde uzaq merzimdi baǵa turaqtylyǵyn qamtamasyz ete otyryp, baǵalardyń alypsatarlyq aýytqýyna jol bermeı úshin mynadaı is-sharalar pysyqtalýda. Birinshiden - óndirýshi zaýyttardyń suıytylǵan gazǵa shekti kóterme baǵalardy belgilengen bólshek saýda baǵalaryna súıene otyryp anyqtaý ádistemesin ázirleý. Bul túsimdi zaýyttar men satýshylar arasynda ádil bólýge múmkindik beredi. Ekinshiden, jumys istep turǵan Qazaq gaz óńdeý zaýytynyń ornyna Mańǵystaý oblysynda jańa gaz óńdeý zaýytyn jobalaýǵa jáne salýǵa EPC-kelisimshart jasasý josparlanýda. Jobanyń aldyn ala quny 167,7 mlrd teńgeni quraıdy», - dedi Bolat Aqsholaqov.
