Mańǵystaýda jalpy bilim beretin mektebi joq 7 aýyl bar

AQTAÝ. QazAqparat – Mańǵystaý oblysynda jalpy bilim beretin mektebi joq 7 eldimeken bar. Bul týraly Mańǵystaý oblysy bilim basqarmasynyń baspasóz qyzmetinen málim etti, dep habarlaıdy QazAqparat tilshisi.

Mańǵystaýda 188 mektep 2023-2024 oqý jylyn bastaıdy. Barlyq mektepterde aǵymdaǵy jóndeý jumystary júrgizilip jatyr.

Sonyń ishinde «Amanat» partııasynyń «Ózgerister joly: Ár azamatqa laıyqty ómir!» saılaýaldy baǵdarlamasyn júzege asyrý aıasynda 20 mektepke jańartý jumystary (aǵymdaǵy jóndeý, modıfıkatsııa kabınetter satyp alý, ashana, kitaphana kabınetterdiń jańartý) júrgizilip jatyr.

Bul maqsatqa 340 mln teńge qarjy bólindi. Jumys tamyz aıynyń aıaǵyna deıin aıaqtalady.

«Oblys boıynsha jalpy bilim beretin mektebi joq 7 eldimeken bar. Ótken jyly ondaǵy 31 bala jaqyn aýyldarda ornalasqan mektep-ınternattarda jatyp, bilim aldy» delingen baspasóz málimetinde.