Mańǵystaýda jalaqyny ýaqytynda bermeı kelgen 77 mekeme basshylyǵy jaýapqa tartyldy
Bul týraly óńirlik kommýnıkatsııalar qyzmetinde ótken brıfıngte memlekettik eńbek ınspektsııasy basqarmasynyń jetekshi orynbasary Shyńǵys Dúısenov málimdedi.
Quqyq buzýdyń kópshiligi eńbekaqyny ýaqytynda bermeý (122) men eńbek demalystaryn berý merzimine (32) qatysty bolǵan.
Bıylǵy 11 aıda memlekettik eńbek ınspektorlary azamattar jazǵan 1066 shaǵym negizinde 405 tekseris júrgizdi. 2018 jyldyń osy merziminde 779 azamat aryzdanyp, 264 tekseris júrgizilgen bolatyn. Ótken jyldyń osy merzimimen salystyrǵanda 11 aı ishinde tekseris sany 53%-ǵa artqan.
Júrgizilgen tekseris barysynda 772 tártipbuzýshylyq anyqtaldy.
Aldaǵy ýaqytty mundaıdy boldyrmas úshin memlekettik ınspektorlar 301 sheshim shyǵaryp, 121 ákimshilik jaza qoldandy. Onyń ishinde jalpy sommasy 18,1 mln teńge bolatyn 103 aıyppul men 18 eskertý bar.
2019 jyldyń 11 aıynda 45 jazataıym oqıǵa bolyp, nátıjesinde 51 jumysshy zardap shekti, úsheýi tipti adam ómirine qaýip tóndirdi. Ótken jyldyń osy aıymen salystyrǵanda zardap shekkender sany 6 adamǵa azaıǵan (2018 jyly 57 adam jaraqat alyp, olardyń 7-i qaza tapqan).
Óndiris salasy boıynsha, munaı-gaz mekemeleriniń qyzmetshileri kóbirek zardap shegetini anyqtaldy.
Bıylǵy jyldyń basynan beri memlekettik ınspektorlar 953,4 mln teńge eńbekaqyny qaıtaryp, 9 652 jumysshynyń quqyqtary qorǵaldy.
Qaryz bolǵany úshin 77 zańdy tulǵa ákimshilik jaýapqa tartylyp, 11,6 mln teńgege aıyppul salyndy.