Mańǵystaýda jaǵalaýdan taǵy 64 ıtbalyqtyń óleksesi tabyldy
Lada.kz saıtynyń jazýynsha, Fort-Shevchenko teńiz porty aımaǵynda Ýrdıýk múıisinen Baýtınskaıa múıisine deıingi jaǵalaýdan óli ıtbalyqtar tabyldy.
Osy derek boıynsha ekologtar jáne jergilikti atqarýshy organnyń birlesken jumys toby qurylyp, aýmaqty zertteý jumystary júrgizildi.
Tolyq tekserý barysynda 64 ólgen ıtbalyq pen 5 bekire tuqymdas balyq tabyldy.
«Bul bir kún burynǵy ońtústik-batystan soqqan ekpindi jeldiń saldarynan bolyp otyr. Zerthanalyq zertteý úshin ólgen janýarlardan synamalar alynyp, tońazytqyshqa qoıyldy. Sondaı-aq sý men aýa synamalary alyndy», dep habarlaıdy Mańǵystaý oblysy boıynsha balyq ınspektsııasy basqarmasy.
Osyǵan deıin Kaspıı teńiziniń Mańǵystaý bóliginen 94 óli ıtbalyq tabylǵany habarlanǵan bolatyn.
Sondaı-aq Mańǵystaýda ıtbalyqtardyń qyrylýyna baılanysty zertteý júrgiziletini jazyldy.