Mańǵystaýda jaǵalaýdaǵy jartastar bederlenýde
ASTANA. QazAqparat - Aqtaýda jaǵalaýda jatqan jartastar týrıstik nysanǵa aınalady. Investorlardyń qarajatyna júrgizilip jatqan qurylys jumystary qazir qyzý júrip jatyr, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Jartasty jaǵalaı 1,5 shaqyrym jerge jol salynbaq. Qazir jaıaý júrginshiler jolyna temirden 1000-nan astam baspaldaq ornatylǵan. 10 shaqty texnıka men 100-ge jýyq jumysshy jaǵalaýdy retke keltirýde.
Súrleý joldy salý kezinde jartastyń tabıǵılyǵy saqtalady. Onyń 2 jaǵy qorshalyp, ár 30 metr saıyn beınebaqylaý ornatylady. Jartastarǵa túrli jaryq shamdary qoıylyp, sýretter salynady. Úńgirler abattandyrylyp, tabıǵı murajaıǵa aınalady. Sondaı-aq, munda arnaıy teńizge qarap tynyǵatyn oryn da qarastyrylady. Osylaısha, jergilikti halyq pen qala qonaqtary bir ýaqytta serýendep, ári demala alady.
Joba Aqtaý qalasynyń 55 jyldyǵyna úlken syı bolmaq.
«Bastapqyda 9 aıǵa josparlanǵan jumystyń ýaqyty 4 aıǵa shegerildi. ıAǵnı, endi, 1 tamyzda aıaqtalýy tıis», - deıdi merdiger mekeme ókili Asqar Kerelbaev.
Al, 15-shaǵyn aýdandaǵy jaǵalaýda 500-ge jýyq jumysshy eki aýysymda jumys istep jatyr. Munda bastysy arnaıy úlken sahna bolady. Eni 70, al bıiktigi 8 metr bolady. Sondaı-aq, 15 myń kórermenge arnalǵan alań bolady. Tipti, ártisterge arnalǵan bólme salý da josparda bar.
Qazir shamamen 30 paıyz jumys aıaqtaldy.
