Mańǵystaýda zeınettik jasqa jetken əjeı uzatyldy
ASTANA. QazAqparat - Áleýmettik jelilerde zeınettik jasqa jetip qalǵan ájemizdiń uzatylyp jatqan vıdeosy taraı bastady, dep habarlaıdy QazAqparat.
Pikir bildirýshilerdiń sózine sensek, 56 jastaǵy qalyńdyqty qutty mekenine shyǵaryp salý rásimi Mańǵystaý oblysynyń Jańaózen qalasynda ótken.
Beınetúsirilimniń basqy bóliginde «jas kelindi» týǵan-týystar óz úıinen shyǵaryp salyp jatady. Ol dəstúr boıynsha syńsý aıtyp, qoshtasady. Al vıdeonyń sońyna qaraı qýanǵan aǵaıyn-týystyń, sonyń ishinde uzatylyp jatqan əjeıdiń shat-shadyman bıin tamashalaýǵa bolady. Sondaı-aq túsken shańyraqtaǵy ájeıdiń betin ashý rəsiminen foto da bar.
Feısbýk paıdalanýshylarynyń biri ájeıge baqyt tilese, biri «nemere súıetin jasqa jetkennen keıin, munsha rásim uıymdastyrýdyń qajeti joq edi», degen pikirlerin bildirýde.
