Mańǵystaýda VI Halyq sporty oıyndary bastaldy
ASTANA. QazAqparat - Aqtaý qalasynyń 55jyldyq merekesine oraı oblys ákimi Eraly Toǵjanovtyń qatysýymen QR Prezıdenti N.Á.Nazarbaevtyń júldesiúshin VI Halyq sporty oıyndarynyń ashylý rásimi ótti, dep habarlaıdy óńirlik ákimdiktiń baspasóz qyzmeti.
«Sporttyq saıystardyń basty maqsaty - Memleket basshysynyń halyqqa arnaǵan Joldaýynan sáıkes elimizdegi buqaralyq sportty damytyp, salaýatty ómir saltyn nasıhattaý.. Bizdiń aldymyzda bıik maqsattar men josparlar tur. Barlyq deńgeıdegi komandalardyń kásibıdeńgeıin kóterý maqsatynda sporttyq uıymdardy kóbeıtý, oblystyń qurama komandalarynyń ázirlikterin qalyptastyrý.Sport sektsııalary men aýla klýbtaryn kúsheıtýdi jalǵastyramyz», - dedi oblys ákimi Eraly Toǵjanov.
Halyq sporty oıyndaryna Respýblıkamyzdyńbarlyq óńirlerinen 2 myńǵa jýyq sportshylar qatysýda.Halyqtyq sport oıyndary 1998 jyldan beri ótkizilip keledi. Alǵash ret Astana qalasynda ótkizilgen bolatyn. 4 jylda bir ret ótetin keshendi dodada kásipqoı sportshylar emes, salaýatty ómir saltyn serik etkender óner kórsetedi.
Sportshylar atap aıtqanda voleıbol, strıtbol, shaǵyn fýtbol, jaǵajaı voleıboly, ústel tennısi, qazaq kúresi, gir tasyn kóterý, qol kúresi, toǵyzqumalaq, asyq atý, prezıdenttik kópsaıys, strıt vorkaýt, sporttyq baǵdarlaý syndy sporttyq saıystardyń 13 túrinen baq synaıdy.
