Mańǵystaýda vaktsınatsııa boıynsha túsindirý jumysy qalaı júrip jatyr
«Sáýirden bastap 70 shaqty mekemege jeke ózim baryp, kezdesý ótkizdim. Ol kezdesýlerge 3 myńnan astam adam qatysty. Halyqtyń kókeıinde suraq kóp. Qyzyǵýshylyq óte joǵary. Búginde «Qarajanbas» munaı-ken ornynda kezdesý ótkizdim. Sharaǵa onlaın formatta mekemeniń barlyq fılıaly men bas keńseleri de qatysty. Qyzmetkerlerdiń suraqtary barshylyq», - dedi ol.
Maman vaktsınatsııa boıynsha barlyq suraqqa jaýap bergenin aıtty.
«Turǵyndar arasynda «vaktsına alǵannan keıin bedeý bolyp qalady», «odan keıingi áser kúrdeli bolýy múmkin», «ol kómektespeıdi» degen sııaqty qate pikirler bar. Biz olardyń barlyǵyn seıiltip, suraqtarǵa jaýap berdik», - dedi ol.
Mamannyń aıtýynsha, osyndaı túsindirý jumystarynan keıin adamdardyń vaktsınatsııaǵa degen kózqarasy ózgeredi.
Maral Qadyr - Mańǵystaý óńirindegi ımmýno-profılaktıka boıynsha DDSU-nyń arnaıy oqytýynan ótken jalǵyz maman.
Jalpy Dúnıejúzilik densaýlyq saqtaý uıymy Qazaqstannan 4 mamandy oqytqan.
Aıta keteıik, Mańǵystaý oblysy qazir «qyzyl» aımaqta tur.
Oblys ákimdiginiń málimetinshe, Mańǵystaý oblysynda bir táýlikte 4 adam koronavırýstan qaıtys bolǵan.
Aqtaýda 63 adam indet juqtyrsa, Munaıly aýdanynda - 32, Mańǵystaý aýdanynda - 3, Túpqaraǵan aýdanynda - 9, Qaraqııa aýdanynda - 14, Jańaózende 20 adam indet juqtyrǵan.
Naýqastardyń ishinde 84 adamda sımptomy bar, 57-sinde sımptomsyz indet anyqtalǵan.
Al oblysta koronavırýs ınfektsııasyna qarsy vaktsına saldyrǵandar sany 4 ese artqan.