Mańǵystaýda vaktsına saldyrǵandardyń eshqaısynda asqyný bolǵan joq

AQTAÝ. QazAqparat - Mańǵystaý oblysynda búginge deıin 125 medıtsına qyzmetkeri vaktsına aldy, dep habarlaıdy QazAqparat tilshisi oblystyq sanıtarııalyq-epıdemıologııalyq baqylaý departamentiniń basshysy Ǵazız Nadýevke silteme jasap.

Onyń aıtýynsha, óńirde koronavırýsqa qarsy vaktsınatsııa ótken aptada bastaldy. «Spýtnık – V» vaktsınatsııasy ımmýndaý №2 Aqtaý qalalyq emhanasynda júrgizildi.

Búginge deıin 125 medıtsına qyzmetkeri ekpe aldy.

Vaktsınadan keıingi asqynýlar men reaktsııalar tirkelgen joq. Ári qaraı vaktsınatsııalanǵan adam medıtsınalyq baqylaýda bolady.

Epıdemıologııalyq taldaý qorytyndysy boıynsha ınfektsııaǵa shaldyqqandardyń 50%-dan astamy KVI indetin juqtyrǵandarmen tyǵyz qarym-qatynasta bolǵan.

2021 jyldyń 1 qańtarynan beri oqýshylar arasynda koronavırýs ınfektsııasynyń 66 jaǵdaıy tirkeldi.

Onyń ishinde offlaın - 29, onlaın ádispen - 37.

«Jalpy oblys boıynsha 155 753 oqýshy bar. 1 qańtardan osy kúnge deıin 82413 oqýshy offlaın, 73340 oqýshy onlaın ádispen oqıdy. Mektep-ınternat boıynsha 2329 oqýshy. Aqtaý qalasy boıynsha mektepke deıingi 3 mekemede koronavırýs ınfektsııasynyń jaǵdaılary anyqtalyp otyr», - deıdi Ǵazız Nadýev.

Aıta keteıik, buǵan deıin Mańǵystaýǵa «COVID-19» ınfektsııasyna qarsy «Spýtnık-V» vaktsınasynyń 1000 dozasy arnaıy ushaqpen jetkizilgenin jazǵan edik.