Mańǵystaýda úzdik polıtsııa qyzmetkeri tańdaldy
Jeńimpaz atanǵan 24 jasar Nurlan Muhtarǵa Astanada ótetin fınalǵa joldama tabystaldy, - deıdi «QazAqparat» HAA tilshisi.
Konkýrsqa jol-patrýldik polıtsııasynyń 8 qyzmetkeri qatysty. Olar quqyqtyq-normatıvtik aktiler, alǵashqy medıtsınalyq kómek kórsete bilý, atý boıynsha teorııalyq jáne praktıkalyq bilim, dene daıarlyǵy, qol kúresiniń ádis-tásilderi, qıylystaǵy jol qozǵalysyn tájirıbe júzinde retteý jáne taǵy basqa erejeler boıynsha jarysqa tústi. Konkýrsqa qatysýshylarǵa quramyna ákimshilik polıtsııa qyzmetkerleri, kadrlyq apparat, medıtsına qyzmetkerleri, sondaı-aq áskerı qyzmet ardagerleri engizilgen ádilqazylar alqasy tórelik etti. 
«Mamandyǵy boıynsha úzdik» bolyp baıqaýdyń barlyq talaptary boıynsha eń joǵary upaı jınaǵan, Aqtaý qalasyndaǵy jergilikti ІІB qyzmetiniń 1-shi jol-patrýldik polıtsııa batalonynyń polıtseı-júrgizýshisi, polıtsııa kishi serjanty Nurlan Muhtar tanyldy», - deıdi Mańǵystaý oblystyq ІІD baspasóz qyzmetiniń ókili Sholpan ıÝldasheva.
Nurlan Muhtar Mańǵystaý oblysyna qarasty Jetibaı aýylynyń týmasy, 1993 jyl 30 mamyrda dúnıege kelgen.
«Men bala kúnimnen polıtsııa qyzmetkeri bolýdy armandadym, armanym júzege asty. Eńbek jolymdaǵy meniń ustazym - batalonnyń 1-shi rotasynyń komandıri, polıtsııa aǵa leıtenanty Erlan Otarov qyzmet barysynda únemi óziniń ómirden alǵan tájirıbesin bólisip otyrady. Maǵan polıtsııa qyzmetkeri mamandyǵy unaıdy, mamandyǵymmen maqtana otyryp, qoǵamdyq tártip saqtaýdy qalyptastyrý jolynda bar kúshimdi sarp etýge ázirmin», - dedi baıqaý jeńimpazy. 
