Mańǵystaýda úzdik polıtseıler marapattaldy
23 maýsymda «Qazaqstan polıtsııasy kúni» merekesine oraı jáne óz mindetterin adal atqarǵany úshin QR ІІM Mınıstriniń buıryǵymen ár saladaǵy qyzmetkerler Qurmet gramotasymen, Gramotalarmen, alǵys hattarmen marapattaldy.
Aımaq polıtsııasynyń basshysy marapattalǵandardy ómirlerindegi aıtýly oqıǵamen quttyqtap, bul joǵary baǵa olar úshin jańa sáttilikter men jetistikterge túrtki bolatynyna senim bildirdi.
«Árbir bólimsheniń óz ereksheligi bar, biraq biz birge ortaq is jasaımyz – qoǵamnyń, memlekettiń qaýipsizdigin qamtamasyz etemiz, azamattarymyzdyń quqyqtary men zańdy múddelerin qorǵaımyz», dep Janarbek Baqtybaev jeke quramǵa adal qyzmeti úshin alǵysyn bildirdi
Jyl basynan beri ár túrli is-sharalardy ótkizý kezeńinde qoǵamdyq tártipti saqtaý boıynsha jumystar atqaryldy. Jedel jaǵdaıdyń jaı-kúıin baqylaý qamtamasyz etildi. Vedomstvo basshysy qylmysqa qarsy kúreste is-qımyl baǵytyn saqtaýdy, qyzmettiń bedeli men polıtsııaǵa degen senimdi arttyrý úshin qajettiniń bárin jasaýdy talap etti.
Erekshe alǵys sózder ІІO ardagerlerine aıtyldy, olar baı tájirıbelerimen, bilimderimen bólisedi, jeke quramdy tárbıeleýge belsendi qatysady. Mańǵystaý oblysynyń bas polıtseıiniń aıtýynsha, mundaı sabaqtastyq kadrlyq áleýetti nyǵaıtýdyń mańyzdy sharty bolyp tabylady.