Mańǵystaýda Ulybrıtanııa azamaty jazaǵa tartyldy
AQTAÝ. QazAqparat - Qazaqstan Respýblıkasynyń aýmaǵynda júrý merzimin buzǵan Ulybrıtanııa azamatyna aıyppul túrindegi ákimshilik jaza taǵaıyndaldy, dep habarlaıdy QazAqparat lada.kz saıtyna silteme jasap.
Qaraqııa aýdandyq soty baspasóz qyzmetiniń málimetinshe, Ulybrıtanııa azamatyna qatysty ákimshilik is qaralǵan.
Sot tártip buzǵan azamattyń Qazaqstan Respýblıkasy aýmaǵyna 2018 jylǵy 23 maýsymda kirip, 28 shildege deıin qaıtýy kerek bolǵanyn anyqtady. Alaıda quqyq buzýshy ony eskermeı, QR ÁQBtK-de qarastyrylǵan Qazaqstan Respýblıkasy aýmaǵynda júrý merzimin buzǵan.
Ulybrıtanııa azamaty kináli dep tanylyp, oǵan 15 AEK (36 075 teńge) túrinde ákimshilik aıyppul salyndy.
Sottyń sheshimi áli kúshine engen joq.
