Mańǵystaýda UBT kezinde 59 oqýshy zaldan shyǵarylǵan
AQTAÝ. QazAqparat – Mańǵystaýda UBT-nyń alǵashqy kezeńinde 37 oqýshy tyıym salynǵan zattardy alyp kelgeni úshin testileýge jiberilmedi, dep habarlaıdy QazAqparat tilshisi.
3 kúnge sozylǵan testileýge oblys boıynsha 4986 oqýshy qatysyp, nátıjelerin alǵan. Onyń ishinde 59 talapker aýdıtorııada shpargalka men uıaly telefon qoldanǵany úshin shyǵarylyp, akt jasalǵan.
Sala mamandarynyń aıtýynsha, oblys boıynsha testileýge 5171 oqýshy qatysýǵa ótinish berip, 89-y kelmegen. UBT ádil ótýi úshin zaldar tolyqtaı beınekameralarmen jabdyqtalyp, arnaıy monıtorıngtik toptardyń baqylaýynda bolǵan.
Aıta keteıik, eń joǵary upaı - 137, eń tómengi upaı - 2 bolyp tirkeldi. Jalpy, óńir boıynsha Jańaózen kósh bastap tur.
