Mańǵystaýda túıeni qaqqan kóliktegi eki adam kóz jumdy
AQTAÝ. QazAqparat – Mańǵystaýda «Lada Xray» avtokóligi túıeni qaǵyp, oqıǵa ornynda eki adam qaıtys boldy. Bul týraly oblystyq polıtsııa departamentinen málim etti, dep habarlaıdy QazAqparat tilshisi.
Oqıǵa Beıneý - Shetpe respýblıkalyq mańyzy bar tasjoldyń 93-shaqyrymynda bolǵan.
«Lada Xray» avtokóligi jol boıynda eki túıeni qaqqan. Jol-kólik apatynan eki adam oqıǵa ornynda qaıtys boldy», - delingen málimette.
Atalǵan derek Beıneý aýdany PB SDTBT-de QR Qylmystyq kodeksiniń 345-baby 4-bóligi boıynsha tirkeldi. Tergeý amaldary júrgizilip jatyr. Ózge aqparat tergeý múddesinde jarııa etilmeıdi.
