Mańǵystaýda túıeni qaǵyp ketken kólik júrgizýshisi men jolaýshy áıel qaza tapty
ASTANA. QazAqparat - Jol-kólik apaty Mańǵystaý aýdanyndaǵy Shetpe-Jynǵyldy kúre jolynda oryn alǵan. Polıtsııanyń málimetterinshe, Daewoo Nexia kóligin basqaryp kele jatqan Aqtaý qalasynyń 21 jastaǵy turǵyny jol ústine shyǵa kelgen túıeni basyp ketti.
«Jol apatynyń zardaptary qaıǵyly boldy: jeńil kóliktiń júrgizýshisi men onyń 51 jastaǵy jolaýshysy, Ózbekstan azamatshasy alǵan aýyr jaraqattarynan oqıǵa ornynda kóz jumǵan. Taǵy bir jolaýshy, 20 jastaǵy jigit jabyq bas súıek-mı zaqymy, bas mıynyń soǵylýy jáne ózge de dene jaraqattarymen aýrýhanaǵa jetkizildi», - dep habarlady jol-patrýldik polıtsııanyń qyzmetkerleri.
Jol apatynda túıe de ólgen, dep habarlaıdy lada.kz.
Foto ız arhıva «Lady»
