Mańǵystaýda turmystyq hımııa shyǵaratyn tseh ashyldy
ASTANA. QazAqparat - Mańǵystaý oblysynyń Basqudyq aýylynda turmystyq hımııa shyǵaratyn tseh ashyldy, dep habarlaıdy tumba.kz.
Bastapqyda kompanııa Mańǵystaý oblysynda azyq-túlik emes taýarlardyń saýdasyn úıymdastyrýmen aınalysqan. Al 2017 jyly turmystyq hımııa ónimderin shyǵara bastady. Bul jobany iske asyrý úshin kompanııa aınalym qarajatyn tolyqtyrýǵa 14 protsentpen nesıe aldy.
Kásipker Baýyrjan Ysqaqovtyń sózinshe, mańǵystaýlyq qyzmetkerler men tehnologtardy oqytý úshin munda Qazannan delegatsııa kelgen. Qazir ónim sátti satylýda. Kásiporyn ónimdi Qazaqstannyń basqa oblystarǵa jetkizý týraly kelissózder júrgizýde.
«Biz qyzmetimizdi kóterme baǵamen satýdy 2003 jyly bastaǵanbyz. Qazir bizdiń 15 jyldyq ótilimiz bar. Іri brendterdiń dıtrıbıýterimiz. Bizge turmystyq hımııa brendi qajet, olardy Qazaqstannan, Reseıden izdedik, biraq jetkizýshilermen kelise almadyq. Aqyry Qazanǵa baryp, franshıza taptyq», dedi kásipker Baýyrjan Ysqaqov.
