Mańǵystaýda túrme qorshaýynan zat laqtyrǵan er adam jaýapkershilikke tartyldy
MAŃǴYSTAÝ. QazAqparat – Mańǵystaý oblysynda túzeý mekemesiniń qorshaýynan zat laqtyrǵan júrgizýshi ákimshilikke jaýapkershilikke tartylady, dep habarlaıdy QazAqparat tilshisi óńirlik Qylmystyq atqarý júıesi departamentiniń baspasóz qyzmetine silteme jasap.
«Qaýipsizdigi barynsha kúsheıtilgen 172/6 mekemesine zat laqtyrǵan tártip buzýshy oqıǵa ornynan avtokólikpen iz sýytyp ketpek bolǵan. Alaıda, mekemeniń jedel áreket etý bóliminiń qyzmetkerleri vıdeobaqylaý kameralary arqyly kóliktiń markasy men nómirin, artynsha ıesiniń kim ekenin de anyqtady», - delingen departamenttiń habarlamasynda.
Jedel izdestirý sharalarynyń arqasynda anyqtalǵan azamat jasaǵan isin moıyndap, oǵan qatysty QR ÁQBjK-nyń 481-baby boıynsha ákimshilik hattama toltyryldy.
