Mańǵystaýda týrızmdi damytý baǵytynda tsıfrlyq karta iske qosyldy
AQTAÝ. QazAqparat - Mańǵystaýdaǵy kóztartarlyq jerlerdiń mobıldik kartasy ázirlený ústinde. Joba "Tsıfrlyq Qazaqstan" baǵdarlamasy aıasynda iske asyrylyp jatyr, dep habarlaıdy QazAqparat tilshisi.
Bul aımaqqa kelgen týrısterge qolaıly. Búginde 24 sakraldy jáne tarıhı jerlerdiń onlaın kartasy iske qosylǵan.
Óńirde memlekettiń qaraýynda 362 áýlıe men 13 myńnan astam mádenı eskertkish bar. Olardyń basym bóligi oblystaǵy negizgi avtomobıl joldarynan qashyq ornalasqan. Sondyqtan aldaǵy bes jylda ınfroqurylymdy damytý mejesi tur. Sondaı-aq, sakraldy jáne tarıhı-mádenı jerlerdiń tsıfrlyq kartasy daıyndalý ústinde.
«Tsıfrlyq Qazaqstan" memlekettik baǵdarlama aıasynda iske asyrylý aıasynda Mańǵystaýda sokraldy jáne tarıhı mádenı tsıfrlyq kartasyn daıyndaýǵa usynys túsken bolatyn. Osy usynys boıynsha 2GIS kompanııasymen birlese otyryp birneshe jumystar iske asyrylyp jatyr»,-deıdi MO týrızm basqarmasynyń bólim basshysy Gúlsim Jarıeva.
Búginde Beket-ata, Shopan ata, Aıraqty, Qarynjaryq sııaqty 24 tarıhı jer mobıldi kartaǵa túsirildi. Mundaı tabıǵı nysandardyń tsıfrlyq kartasyn ázirleý týrıstik áleýetti damytýǵa yqpal etedi, deıdi mamandar. Bir ereksheligi, mobıldik telefonǵa arnalǵan platformany offlaın rejimde de qoldanýǵa bolady.
«Bizdiń basty maqsatymyz - týrısterge jáne turǵyndarǵa qolaıly jaǵdaı jasaý. Oar karta arqyly kóptegen aqparatqa qol jetkize alady. Biz týrızm basqarmasymen birlese otyryp 3000 km jer júrip, foto-aqparat jınadyq. Endi 2GIS qosymshasynda 24 tarıhı keshenniń kartasy bar»,-deıdi marketolog Tımýr Faızýlın.
Qazirgi tańda Beket-ataǵa deıin 100 km avtojoldy asfalttaý jumystary bastalyp ketti. Oǵan respýblıkalyq bıýdjetten 1 mlrd teńge qarajat bólindi. Sondaı-aq, Mańǵystaý men Túpqaraǵan aýdanyndaǵy 15 tarıhı jerdi sý, jaryq, jolmen qamtamasyz etip, teńiz jaǵalaýyna qonaq úıler salyný josparlanyp otyr. Ol úshin 10 mlrd teńge qajet.
