Mańǵystaýda týrızmdi damytý - aımaqtaǵy perspektıvalyq baǵyttardyń biri
ASTANA. QazAqparat -Mańǵystaýda oblystyq máslıhattyń kezekti 10-shy sessııasynda aımaqtaǵy týrızmdi damytý máselesi talqylandy, dep habarlaıdy óńir basshysynyń baspasóz qyzmeti.
Mańǵystaý oblysynda týrızmdi damytý - aımaqtaǵy perspektıvalyq baǵyttardyń biri bolyp tabylady. Yńǵaıly geografııalyq jerde ornalasqan Mańǵystaý oblysy Kaspıı teńiziniń jaǵasyndaǵy jalǵyz óńir bolyp tabylady. 2016-2020 jyldarǵa arnalǵan Mańǵystaý oblysyn damytý baǵdarlamasyna sáıkes oblystaǵy týrızm salasyn damytýdyń strategııalyq jospary bekitildi.
Týrızm basqarmasynyń basshysy Gúljan Baıjaýynova atap ótkendeı, týrızm basqarmasynyń negizgi mindetteri: týrıstik qyzmetti damytýdy, týrıstik qyzmetterdiń sapasyn kóterýdi qamtamasyz etý, Mańǵystaý oblysynyń týrıstik ónimin ilgeri jyljytý.
Oblystyq máslıhattyń sessııasynda týrızmdi damytý usynystarymen depýtat Dmıtrıı Klınchev sóz sóıledi.
Oblys ákimi Eraly Toqjanov óz sózinde týrızmdi damytý máselesine jan-jaqty qaraý kerek ekenin atap aıtty. Bul qyzmet etý servısiniń jaqsarýy, aımaqtyń tarıhı-mádenı eskertkishterine saıahattar, demalys úıleri men saýyqtyrý ortalyqtary qurylysynyń iri jobalaryn iske asyrý.
