Mańǵystaýda turǵynnan 1,6 mln teńge bopsalaǵan kúdikti ustaldy

AQTAÝ. QazAqparat – Mańǵystaýlyq turǵynnan 1 mıllıon teńgeden astam qarjy bopsalaǵan kúdikti ustaldy, dep habarlaıdy QazAqparat polisia.kz telegram kanalyna silteme jasap.

Mańǵystaý oblysynyń turǵyny ózin qorqytyp, aqsha talap etip, bopsalaýmen aınalysyp júrgen azamatqa qatysty polıtsııaǵa aryzben júgindi. Jábirlenýshiden 1 600 000 teńge kóleminde qarajat talap etilgen.

Krımınaldyq polıtsııa qyzmetkerleri jedel-izdestirý sharalarynyń nátıjesinde 30 jastaǵy kúdikti ustady. Tintý júrgizý barysynda onyń zańsyz áreketterin rastaıtyn 200 000 teńge aqshalaı qarajat tárkilendi.

Atalǵan derek QR QK 194-baby 1-bóligimen SDTBT-de tirkeldi. Ózge málimetter tergeý múddesine baılanysty jarııa etilmeıdi.