Mańǵystaýda tumaýǵa qarsy 90 myń doza vaktsına satyp alyndy

AQTAÝ. QazAqparat – Mańǵystaýda bıylǵy epıdemııalyq maýsymǵa 90 myń doza «Grıppol plıýs» vaktsınasy satyp alynǵan, dep habarlaıdy QazAqparat tilshisi.

Qazir vaktsınalaýmen oblys turǵyndarynyń 11,9% -y qamtylǵan.Qarjy jergilkti bıýdjetten bólingen. Al jedel respıratorly vırýsty ınfektsııalardyń epıdemııalyq maýsymy 2022 jyldyń 1 qazanynda bastalyp, búginge deıin zerthana arqyly tumaýdyń 73 jaǵdaıy dáleldengen. Onyń ishinde 62-si eresek adamdar bolsa, 11-i - 14 jasqa deıingi balalar. Eresek adamdardyń ishinde 35-i júkti áıel.

«Ótken 2021-2022 jyldyń epıdemıologııalyq maýsymynyń osy kezeńinde tumaýdyń 101 jaǵdaıy tirkelgen bolatyn. Bıyl 73 jaǵdaı esepke alynyp otyr. Salystyrmaly túrde aýrýdyń deńgeıi 1,4 esege tómendegen», - deıdi Mańǵystaý oblystyq sanıtarlyq-epıdemıologııalyq baqylaý dpartamenti basshysynyń orynbasary Berdibek Saraltaev.