Mańǵystaýda týberkýlezge qarsy ekpe salý ýaqytsha toqtatyldy
Bul týraly óńirlik kommýnıkatsııalar qyzmeti alańynda ótken brıfıngte oblystyq týberkýlezge qarsy dıspanserdiń ftızıopedıatry Qarashash Zarqulova málimdedi. Onyń aıtýynsha, 2019 jyldyń 8 aıynda asa qaýipti jáne basqa da karantındik ınfektsııalar tirkelmegen.
Sońǵy 10 jylda týberkýlez aýrýynyń kórsetkishi oblys deńgeıinde - 75,4% (381 jaǵdaıǵa), onyń ishinde jasóspirimder arasynda - 78,4% (46 jaǵdaıǵa), balalar arasynda - 89,0% (44 jaǵdaıǵa) tómendep otyr.
«Týberkýlezge qarsy ekpe salý balalar arasynda týberkýlez menıngıti jáne dıssemırlengen týberkýlez sııaqty týberkýlezdiń aýyr jaǵdaılarynyń damýyna jol bermeıdi. Bul derekter balalardy vaktsınatsııalaýdy qosa alǵanda týberkýlez boıynsha epıdemıologııalyq jaǵdaıdy turaqtandyrý boıynsha júrgizilip otyrǵan sharalardyń tıimdiligin rastaıdy»,-deıdi Qarashash Zarqulova.
Biraq, «Japan BCG Laboratory» (Japonııa) óndirýshi-zaýyty (BTsJ) týberkýlezge qarsy vaktsınany 35 elden keri qaıtaryp alýyna baılanysty Qazaqstanda týberkýlezge qarsy vaktsınatsııalaý qazirgi ýaqytta ýaqytsha toqtatylǵan. Ekpe salý taıaýda qaıta bastalady dep josparlanǵan.