Mańǵystaýda transformator zaýyty iske qosyldy
AQTAÝ. QazAqparat - Jańa transformator zaýyty jylyna 4 jarym myń transformator qurastyrýǵa qaýqarly. Bul óńirdiń suranysyn tolyq qamtýǵa ári eksporttaýǵa jetedi, dep habarlaıdy QazAqparat tilshisi.
Otandyq ónim elimizdegi shıkizattan óndiriledi. Joba ındýstrııalandyrý baǵdarlamasy aıasynda júzege asty.
Shyǵaratyn ónim kólemi 6 mlrd teńgeni quraıdy. 150 adam jumysqa ornalasty.
Zaýyt joǵary tehnologııalyq eýropalyq quraldarmen jabdyqtalǵan. Óndiris júıesi avtomattandyrylǵan jáne kompıýterlermen basqarylady.
Búgingi tańda kásiporynnyń óz ázirlemeleri jolǵa qoıylǵan, jergilikti joǵary oqý oryndarymen jáne kolledjdermen zamanaýı joǵary tehnologııalyq qondyrǵylarda jumys isteý úshin mamandar daıarlaý boıynsha daýldi oqytý júıesi týraly memorandýmǵa qol qoıyldy.
Kásiporyn basshylyǵynyń aıtýynsha, kádimgi transformatorǵa qaraǵanda betondy qosalqy stantsııany kóbirek shyǵarý kózdelip otyr. Óıtkeni, bul ónim 20 jylǵa deıin minsiz qyzmet etedi. Basty ereksheligi - tot baspaıdy.
Daıyndalǵan ónimder - aldaǵy kúnderi óńirdi elektrmen jabdyqtaý mekemelerine, munaı jáne qurylys kompanııalaryna jetkizedi.
Zaýyt basshylyǵy bolashaqta óndirilgen ónimniń 50 paıyzyn Iran, Túrikmenstan men Ázerbaıjanǵa eksporttaýdy josparlap otyr.
