Mańǵystaýda Torysh shatqalynan shar tárizdes tastardy alyp ketkender anyqtaldy

AQTAÝ.QazAqparat – Mańǵystaýda Torysh shatqalynan shar tárizdes tastardy alyp ketken. Bul oqıǵa áleýmettik jelige monıtorıng júrgizý barysynda anyqtaldy, dep habarlaıdy QazAqparat tilshisi Mańǵystaý oblystyq Polıtsııa departamentiniń baspasóz qyzmetine silteme jasap.

«Polıtsııa qyzmetkerleri shar tárizdes tastardy alyp ketkenderdiń jeke basyn anyqtady. Quqyq buzýshylarǵa profılaktıkalyq áńgime júrgizildi. Tastar qaıtadan ornyna qaıtarylatyn bolady», - delingen baspasóz málimetinde.

Aıta ketý kerek, Torysh – shar tárizdi konkretsııalar (sharlar) alqaby. Mańǵystaý oblysynyń eń kórikti jerleriniń biri.