Mańǵystaýda tóbeles bolyp, er adamdy baltalap óltirgen

MAŃǴYSTAÝ. QazAqparat – Mańǵystaý oblysynyń Munaıly aýdanynda tóbeleskender balta qoldanyp, saldarynan bir adam qaza boldy. Polıtsııa departamenti qaıǵyly oqıǵanyń mán-jaıyn aıtty, dep habarlaıdy QazAqparat lada.kz saıtyna silteme jasap.

Kisi óltirý oqıǵasy Munaıly aýdany Basqudyq aýylynda bolǵan.

«6 qarashada saǵat 20:25-te Munaıly aýdandyq polıtsııa bóliminiń 102 kezekshi pýltine Basqudyq aýylynda Bereket kóshesinde er adamnyń máıiti tabylǵany týraly qońyraý kelip tústi. Jedel tergeý toby oqıǵa ornyna baryp, ol jerden kisi óltirgen degen kúdikpen eki adamdy ustady. Atalǵan fakti Qazaqstan Respýblıkasy Qylmystyq kodeksiniń 99-babynyń 2-tarmaǵy (adam óltirý) boıynsha Munaıly aýdandyq polıtsııa bóliminiń sotqa deıingi tergep-tekserýlerdiń biryńǵaı tiziliminde tirkelgen. Qazirgi ýaqytta kúdiktiler ýaqytsha ustaý ızolıatoryna qamaldy, atalǵan fakti boıynsha tergeý amaldary júrgizilýde», - dep habarlady Mańǵystaý oblystyq polıtsııa departamenti.