Mańǵystaýda teplovoz ben júk kóliginiń soqtyǵysý sebebi belgili boldy
ASTANA. QazAqparat - «QTJ-júk tasymaly» AQ baspasóz qyzmeti teplovoz ben júk kóliginiń nelikten soqtyǵysqandyǵyna túsinik berdi, dep habarlaıdy lada.kz saıtyna silteme jasap.
Aıta keteıik, baspasóz qyzmetiniń málimetterine qaraǵanda, oqıǵa 26 mamyrda saǵat 16-55-te Quryq-Port-Ersaı ótkelinde bolǵan.
«Kamaz» júk kóliginiń júrgizýshisi STOP belgisiniń turǵandyǵyna qaramastan temirjol ótkeline shyǵyp ketken. Aıaq astynan paıda bolǵan júk kóligin baıqaǵan teplovoz júgizýshisi qyzmettik tejegishti basqan. Alaıda, oqıǵanyń aldyn alý múmkin emes edi»,-dep habarlady vedomstvo ókilderi.
Baspasóz qyzmetiniń málimetterine qaraǵanda, qazirgi tańda atalǵan jaǵdaı boıynsha tekserý jumystary júrip jatyr. Aldyn ala boljam boıynsha, kólik apaty temirjol ótkelin ótý tártibin buzǵan júk kóligi júrgizýshisiniń kinásinen bolǵan. Temirjolshylar kólik júrgizýshilerin taǵy da jol qozǵalysyna óte muqııat bolyp, jol erejesin buzýǵa jol bermeýge, ózderiniń jáne ózgelerdiń ómirlerin qaýip-qaterge tikpeýge shaqyrdy.
