Mańǵystaýda tasjolda bolǵan kólik apatynan 4 adam kóz jumdy

AQTAÝ. QazAqparat – Mańǵystaý oblysynda jol-kólik apatynan 4 adam qaıtys bolyp, taǵy bir adam aýrýhanada jatyr, dep habarlaıdy QazAqparat tilshisi.

Oqıǵa 25 aqpan saǵat 11:42 shamasynda Saı-Ótes - Beıneý tasjolynyń 383-shaqyrymynda bolǵan.

«Aldyn ala aqparat boıynsha, «Toyota Camry» avtokóliginiń júrgizýshisi qarsy qozǵalys baǵytyna shyǵyp, avtovozben soqtyǵysqan. Jol-kólik oqıǵasy saldarynan avtovoz órtengen», - dep málim etti Mańǵystaý oblystyq polıtsııa departamentiniń baspasóz qyzmetinen.

Jol apatynan 2003 jáne 2004 jylǵy 4 jigit kóz jumyp, taǵy bir adam Beıneý aýdandyq aýrýhanasyna jetkizilgen.

«Naýqasta bas mıynyń kontýzııasy, jabyq bas súıegi, mı jaraqaty bar. Súıek synyqtarynyń yǵysýy, sol jaqtaǵy san súıegi dıafıziniń jabyq synýy, sol jaq bileginiń eki súıeginiń ashyq synýy, ókpe kontýzııasy, bet jarasy anyqtaldy. Naýqas travmatıkalyq shok alǵan», - deıdi aýdandyq aýrýhana dırektorynyń orynbasary Ásııa Shontybaeva.

Baspasóz qyzmetinen málim etkendeı, oqıǵa ornynda polıtseıler jumys istedi. Jol apaty týraly tolyq aqparat keıinirek jarııalanady.

Foto: vıdeodan alynǵan kadr