Mańǵystaýda tarıf kóterilmeıdi - ákimdik

AQTAÝ. QazAqparat - Kommýnaldyq tarıf baǵasy kóterilmeıdi, dep habarlaıdy QazAqparat tilshisi.

Bul týraly óńirlik kommýnıkatsııalar qyzmetiniń alańyna kelgen Mańǵystaý oblysy ákiminiń orynbasary Baqytjan Kachakov málimdedi.

Onyń sózinshe, jylý, elektr qýaty, sý jáne káriz júıesiniń tarıfteri jyl sońyna deıin ózgerissiz qalady.

Búgingi kúni elektrenergııa baǵasy -1 kVt. úshin 17,29 teńge bolyp otyr. Osyǵan deıin ol 14%-ǵa azaıtylǵan.

Qazir «Maek» mekemesin QR Energetıka mınstrligine berý máselesi qaralyp jatyr. Biraq bul baǵaǵa áser etpeıdi,-deıdi mamandar.

Tarıf baǵasynyń qubylýyna mekemeler áser etip otyr. Mysaly, «Maek» energııany óndirgennen keıin bireý satyp alady, basqasy tasymaldaıdy, jetkizedi. Osy protsedýralardy qysqartyp, baǵany tómendetý josparlanyp otyr.

«Jýyrda ǵana qoǵamdyq qabyldaý ótti. QR zańyna sáıkes, árbir 5 jyl saıyn tarıftiń jańa baǵasy bekitiledi. Soǵan sáıkes, 2020 jyldyń 1 qańtarynan bastap qana jańa tarıf engiziledi. Qazir baǵa máselesi tabıǵı monopolııalardy retteý komıtetinde qaralyp jatyr. Jan-jaqty qaralady, talqylanady, taǵy da qoǵamdyq qabyldaý ótkiziledi. Taǵy da qaıtalaımyn, aıaq astynan baǵa kóterilmeıdi»,-deıdi Baqytjan Kachakov.