Mańǵystaýda tamasha jerlerdiń bar ekendigin bilmeı keldik - «Ústirt qupııasy» ekspedıtsııasynyń múshesi
ASTANA. QazAqparat - Mańǵystaý túbegine attanǵan «Ústirt qupııasy» ekspedıtsııasynyń músheleri tamasha jerler týraly alǵashqy áserlerimen bólisti, dep habarlaıdy QazAqparat.
«Shamamen 60 mashına 240 adam qatysýymen «Ústirt qupııasy» ekspedıtsııamyz jalǵasýda. Bul 1-2 kúnniń foto esebi. Osy kúnge deıin kórshi turǵan Mańǵystaý óńirinde mundaı keremet jerlerdiń baryn bilmeppiz! Emotsııa men sýretter kóp, bárin jetkizý qıyn eken! Jalǵasy bolady», - dep jazdy Aıbek Shamedenov Feısbýktegi paraqshasynda.
Eske sala ketsek, Mańǵystaý túbeginde bir aptaǵa jýyq bolatyn ekspedıtsııa keshe Aqtaý qalasynan attandy. «Ústirt qupııasy» ekspedıtsııasy 30 sáýir men 7 mamyr aralyǵynda Mańǵystaý túbegine sapar jasaıdy.
Marǵulan Seısembaevtyń basshylyǵymen saparǵa shyqqan Nomad Explorer komandasynyń basty maqsaty - Qazaqstannyń ishki týrızmin damytýdy nasıhattaý. Ótken jyly bir aptanyń ishinde 90 adam 24 jol talǵamaıtyn kólikpen qazaq jeriniń kindigi sanalatyn Ulytaý ólkesiniń ásem tabıǵatymen tanysyp qaıtty.
«Ústirt qupııasy» ekspedıtsııasyna qatysatyn týrıstterdiń alǵashqy legi Almatydan 24 sáýir kúni shyqkan bolatyn, olardyń ishinde tanymal fotograftar, ólketanýshylar men uıymdastyrý komıtetiniń ókilderi de bar.
