Mańǵystaýda tabıǵı park ókilderi tobynan adasyp usha almaı qalǵan aqqýǵa qamqorlyq jasady

AQTAÝ. QazAqparat - Mańǵystaýdaǵy Aıraqty taýynyń mańynda tobynan adasyp usha almaı qalǵan jalǵyz aqqý tabyldy, dep habarlaıdy QazAqparat tilshisi.

Qus Shetpe aýylynan 25 shaqyrym qashyqtyqtaǵy Iir jerindegi Aıraqty taýynyń mańynda qalǵan.

«Shetpe aýylynyń bir azamaty aqqýdy kórgenin aıtty. Biz parktiń ǵylymı qyzmetkerlerin jiberip aldyrdyq. Ábden shóldep qalǵan eken. Jem-sýyn berip, aýdan aýmaǵyndaǵy shaǵyn kólshikke aparyp jiberdik», - dedi «Qyzylsaı» memlekettik óńirlik tabıǵı parkiniń dırektory Myńbergen Qarataýov.

«Qyzylsaı» memlekettik óńirlik tabıǵı parki basshysynyń aıtýy boıynsha aqqý odan ári ushyp ketýi tıis. Ol búgin qalyp qoıǵan bolýy múmkin.