Mańǵystaýda sýǵa shomylýǵa tyıym salynǵan aımaqtyń sanyn kóbeıtý usynyldy
Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy tótenshe jaǵdaılar departamentiniń basshysy Murat Muhanov málim etti. Onyń aıtýynsha, bul usynys oblys ákimdigi men oblystyq máslıhatqa joldandy. Osyǵan baılanysty jýyrda jarǵy jarııalansa, qujat Ádilet departamentine jiberilip, ári qaraı kúshine enedi.
«Aqtaý qalasynan 25 shaqyrymda ornalasqan Munaıly aýdanynda qaraýsyz qalǵan kenish karerasy bar. Sonyń mańynda jańbyr sýlarynan 2 kólshik paıda bolǵan. Atalǵan orynda Munaıly aýdanynyń turǵyndary sýǵa túsedi. Biz sanıtarııalyq-epıdemıologııalyq qyzmet organdarymen birlesip sý quramynyń synamasy alǵanbyz. Tekseris barysynda sý quramynan radıoaktıvti qaldyqtar anyqtalǵan. Sondyqtan bul 2 kólshikti sýǵa túsýge tyıym salynǵan aımaqtardyń tizimine engizý qajet», - dedi Murat Muhanov.
Spıker sóz sońynda oblys turǵyndaryn densaýlyqqa zııan ári ómirge qaýipti oryndarda sýǵa túspeýge shaqyrdy.