16:04, 01 Tamyz 2019 | GMT +5
Mańǵystaýda sýǵa ketken 19 jastaǵy jigittiń denesi tabyldy
AQTAÝ. QazAqparat - Búgin qutqarýshylar 5 kún buryn sýǵa batyp ketken 19 jastaǵy jigittiń denesin tapty, dep habarlaıdy QazAqparat tilshisi.
Bul týraly oblystyq tótenshe jaǵdaılar departamentiniń baspasóz qyzmeti málimdedi.
2000 jyly týǵan jigittiń máıiti Aqtaý qalasynan 28 shaqyrym qashyqtyqtaǵy Saıyn Shapaǵatov aýylynyń mańynan tabylǵan. Qutqarýshylar 5 kún boıy izdep, tańǵy 6-lar shamasynda máıitti sýdan alyp shyqty.
Eske sala keteıik, qaıǵyly oqıǵa 28 shilde kúni Túpqaraǵan aýdanynyń aýmaǵynda bolǵan.