Mańǵystaýda sý tapshylyǵy máselesin sheshý kózdelip otyr

AQTAÝ. QazAqparat – Mańǵystaý óńirinde sý máselesi ózekti. Sý tapshylyǵy kúnine 35 myń tekshe metrdi quraıdy, dep habarlaıdy QazAqparat tilshisi.

Osy máseleni sheshý maqsatynda qazirgi tańda «Kaspıı» sý tuşytý zaýytynyń táýliktik qýatyn 40 myńǵa deıin keńeıtý jumystary bastaldy. Jobaǵa bólingen qarajat quny 10,6 mlrd teńgeni qurap otyr. Onyń ishinde respýblıkalyq qazynadan 1 mlrd teńge qaralǵan.

Jalpy, qazir 5 aýdanda da áli sý qubyrlary tartylmaǵan eldi mekender bar. Sonyń ishinde kelesi jyldan bastap Jetibaı, Shetpe, Jarmysh, Basqudyq, Qyzyltóbe, Mańǵystaý-5, Aqshuqyr, Saıyn Shapaǵatov aýyldary men Jańaózen qalasy Mereı shaǵyn aýdanynda sýmen qamtýdyń 27 jobasy iske asyrylmaq.

Eger atalǵan jobalar sátimen júzege assa, eldi mekenderdi ortalyqtandyrylǵan aýyz sýmen qamtý kórsetkishi 75%-ten 79%-ke artady dep kútilýde.