Mańǵystaýda sport sheberi Tumash Aýdanbaev atyndaǵy dzıýdodan ashyq týrnır ótti
Jarysqa 2005-2006-2007 jyly týǵan balalar qatysýda. Sporttyq básekege Beıneý aýdanynyń ár túkpirinen kelgen aýyl komandalary qatysty. Týrnır karantın talaptaryn saqtaı otyryp ótkizildi.
«Beıneý aýdanynyń aýyl sharýashylyq salasynyń ardageri, sporttyq oıyndardyń erkin kúres boıynsha jeńimpazy, «KSRO sport sheberi» ataǵyna ıe bolyp, sport salasyna da ózindik iz tastaǵan belgili tulǵa, qadirli azamat Aýdanbaı Tumash Ábıbullaulynyń qurmetine dzıýdo kúresinen aýdandyq ashyq týrnırdi uıymdastyryp otyrmyz! Tumash Ábıbollaulynyń kóp qyrly jasampaz eńbegi, otanymyzdyń baǵa jetpes qundylyqtaryn damytýǵa qosqan zor úlesi shynaıy qurmetke ıe bola bildi.
Búgingi ótkizgeli otyrǵan sporttyq shara osy aıtýly, el aýzynda jaqsy ataǵy qalǵan Aýdanbaı Tumash Ábıbollaulyna degen bir qurmet, urpaq sabaqtastyǵy dep bileıik qurmetti jerlester!
Týrnır keleshekte bizdiń sportshylarymyzdyń jańa belesterdi baǵyndyryp, salaýatty ómir saltyn saqtap, jastardyń dzıýdo kúresine qyzyǵýshylyǵyn oıatady degen senimdemiz»,- dedi Beıneý aýdanynyń ákimi Beıneýbek Ábilov.
Aýdanbaev Tumash Ábıbýllauly 1943 jyly 10 qańtarda dúnıege keldi. 1961 jyly Ashhabadtaǵy Túrkmen aýylsharýashylyq ınstıtýtynyń zootehnıkalyq fakýltetine tústi. Stýdent kezinen jan-jaqty, tiltabysqysh, ortasyna syıly Tumash Ábıbullaly sportty oqýmen qatar alyp júrdi. Osylaısha, ınstıtýt qabyrǵasynda erkin kúrespen aınalysty. 1962 jyldyń kúzinde alǵash ret erkin kúresten Ashhabad qalasynyń birinshiligine qatysyp, 57 kg salmaqta qala chempıony atanyp, sol jyly respýblıka chempıony dárejesine jetti.
1963 jyldyń kúzinde 57 kg salmaqta Ashhabad qalasynyń erkin kúresten ekinshi márte chempıony atanady. Sol jyly erkin kúresten 1 sporttyq razrıad normasyn oryndaıdy.
1964 jyly Tumash Aýdanbaev erkin kúresten Túrkmen Respýblıkasynyń qurama komandasynyń músheligine qabyldanady.
1965 jyly maýsym aıynda Túrkmenstan Kásipodaqtarynyń VIII spartakıadasynda erkin kúresten 57 kg salmaqta birinshi oryn alyp, KSRO- nyń sport sheberi ataǵyn ıe bolady.
Aýdanbaev Tumash Ábıbullauly ómiriniń sońyna deıin sporttaǵy jarqyn bolashaǵyn elge qyzmet etý jolyna qurban etkenine eshqashan ókingen emes. Kásibı sporttan bas tartqanymen sońǵy demi qalǵansha sport onyń ómirinde aınymas serigi bolyp qaldy.
