Mańǵystaýda sońǵy táýlikte koronavırýs ınfektsııasyn juqtyrǵandardyń sany kóbeıdi
Bul týraly Qoǵamdyq kommýnıkatsııa ortalyǵynda ótken brıfıngte Mańǵystaý oblysy sanıtarııalyq-epıdemıologııalyq departamentiniń basshysy Ǵazız Nadýev málim etti.
Onyń aıtýynsha, 17 naýryz kúni óńirdegi koronavırýs ınfektsııasy boıynsha reprodýktıvti kórsetkish 1,05 qurady. Osyǵan deıin bul kórsetkish 0.6, 0.7 bolǵan.
«Ókinishke oraı, osy kúni arnaıy kórsetkishimiz 1-den asyp tur. Bul, negizinen, turǵyndarymyzdyń buryn-sondy indetti juqtyrǵandarmen tyǵyz qarym-qatynasta bolýynan týyndap otyr. Mańǵystaý oblysy «jasyl» aımaqta bolǵanymen, koronavırýs ınfektsııasy áli ketken joq. Qaýip bar. Sol sebepti kúndelikti sanıtarlyq talaptardy ustanyp, áleýmettik araqashyqtyqty saqtaý qajet. Asa mańyzdy bolmasa qoǵamdyq oryndarǵa barmaǵan abzal», - dedi Ǵazız Nadýev.