Mańǵystaýda shujyqtan ýlanǵan 3 jasar bala qaıtys boldy
AQTAÝ. QazAqparat - Mańǵystaý oblystyq aýrýhanasyna 12 qarasha kúni bir otbasynyń tamaqtan ýlanǵan alty adamy, sonyń ishinde tórt bala jetkizilgen, dep habarlaıdy lada.kz.
«Biz qonaqta bolǵan edik, balalar shujyq surady. Úıdiń ıesi onyń jańadan ákelinbegenin aıtty, sonda da qýyra salaıyn dep edim. Túngi birge qaraı balamnyń mazasy ketip, qusa bastady. Marganets eritindisimen asqazanyn shaıdym. Keıin ol uıyqtap qaldy. Artynsha taǵy úsh balam, ózim de aýyra bastadym. Sol kezde jedel járdem shaqyrdyq», - deıdi qaıtys bolǵan balanyń anasy Lıdııa.
Balanyń ómirin saqtap qalýdyń múmkindigi bolmady. Tańǵy jetide ol úzildi.
«Bul otbasyndaǵy jaǵdaı nashar, ata-analar araq-sharap ishedi. Qazir ákesinen basqa barlyǵy juqpaly aýrýlar bóliminde dárigerlerdiń baqylaýynda», - deıdi Mańǵystaý oblystyq qoǵamdyq densaýlyqty saqtaý departamentiniń ókilderi.
