Mańǵystaýda shól dalada adasqan aqqýlar tabyldy
AQTAÝ. QazAqparat - Mańǵystaýdyń shól dalasynan bir top aqqý tabyldy. En dalada shólden álsiregen qustardy Boranqul aýylynyń turǵyny baıqaǵan, dep xabarlaıdy QazAqparat tilshisi.
Ol aqqýlardy úıine ákelip, sýarmaq bolǵanymen olar adam qolynan sý ishpepti. Qustarǵa mamannyń kómegi keregin túsingen turǵyn dereý quzyrly organdarǵa habar berdi. 10 aqqýdyń 4-eýi óz betinshe ushyp ketken. Taǵy 3-eýi shólge shydamapty. «Qyzylsaı» memlekettik óńirlik tabıǵı parkiniń ınspektorlary qalǵan 3 aqqýdy Aqtaý qalasyna ákelip, «Qarakól» kóline jiberdi.
"Jol boıy sý shashyp aqqýlardyń jaǵdaıyn qarap otyrdyq. Tamaqtandyryp, sý berip. Tabıǵatta kómegin tıgizgendeı jol boıy jańbyr sirkirip turdy. Kelgen aqqýlardyń densaýlyǵy men kóńil-kúıi jaqsy", - deıdi Qyzylsaı memlekettik óńirlik tabıǵı parki "Kóleńkeli" qaýmalynyń basshysy Іzjan Qalqanov.
