Mańǵystaýda shekarany zańsyz kesip ótkeni úshin Reseıdiń úsh azamaty sottaldy

MAŃǴYSTAÝ OBLYSY. QazAqparat – Túpqaraǵan aýdandyq sotynda Reseı Federatsııasynyń 3 azamatyna qatysty QR Qylmystyq kodeksiniń 392-babynyń 1-bóligimen qylmystyq is qaraldy, dep habarlaıdy QazAqparat oblystyq sottyń saıtyna silteme jasap.

Sotta anyqtalǵandaı, 2020 jylǵy 24 shildede Reseı Federatsııasynyń azamattary Qazaqstan Repýblıkasynyń memlekettik shekarasyn qujatsyz jáne tıisti ruqsatsyz memlekettik shekaradan ótkizý pýnkterinen tys jerlerdi qasaqana kesip ótken.

«Sot úkimimen Reseı Federatsııasynyń azamattary QR Qylmystyq kodeksiniń 392-babynyń 1-bóligimen kináli dep tanylyp, olardyń árqaısysy 6 aıǵa bas bostandyǵynan aıyrylyp, QR sheginen tysqary jerge 5 jyl merzimge shyǵaryldy», - dep habarlady Túpqaraǵan aýdandyq sotynyń baspasóz qyzmeti.