Mańǵystaýda shekaradan zańsyz ótken Ózbekstan azamaty ustaldy

AQTAÝ. QazAqparat – Mańǵystaýda shekaradan zańsyz ótken Ózbekstan azamaty ustaldy, dep habarlaıdy QazAqparat tilshisi.

Quqyq buzýshy sottyń sanktsııasymen ýaqytsha ızolıatorǵa qamaldy.

Mańǵystaý oblystyq polıtsııa departamentiniń baspasóz qyzmetiniń habarlaýynsha, Ózbekstan azamatyn memlekettik shekarany zańsyz kesip ótý kezinde mańǵystaýlyq shekarashylar ustaǵan.

«Atalǵan fakti boıynsha QR QK 392 – baby – «Qazaqstan Respýblıkasynyń Memlekettik shekarasyn qasaqana zańsyz kesip ótý» baby boıynsha qylmystyq is qozǵaldy», - delingen oblstyq polıtsııa departamentiniń baspasóz qyzmeti taratqan aqparatta.

Aldyn ala málimet boıynsha memlekettik shekarany kesip ótip, Qazaqstanǵa kirmekshi bolǵan shetel azamaty destrýktıvti dinı aǵymnyń jaqtaýshysy bolyp tabylady.