Mańǵystaýda shańdy daýyl turdy

AQTAÝ. QazAqparat – Mańǵystaýda aýa raıynyń buzylýyna baılanysty eskertý jarııalandy, dep habarlaıdy QazAqparat tilshisi Qazgıdrometke silteme jasap.

16-17 naýryz kúnderi aımaqqa soltústikten kelgen sýyq tsıklon jalǵasady. Búgin jeldiń jyldamdyǵy keı jerlerde sekýndyna 19 metrge deıin jetedi. Erteń 23-28 metrge deıin kúsheıýi múmkin.

«Aýa temperatýrasy túnde 5 gradýsqa deıin tómendeıdi. Kúndiz 10-15 gradýs jyly bolady. 18 jáne 19 naýryzda jańbyr jaýyp, sońy qarǵa ulasýy yqtımal. Qalyń tuman túsip, kóktaıǵaq bolýy múmkin», - dedi «Qazgıdromet» RMK fılıalynyń ınjener-sınoptıgi Natalıa Bochkova.