Mańǵystaýda shańdy daýyl kóterildi

AQTAÝ. QazAqparat - Mańǵystaý oblysynda shańdy daýyl kóterildi, dep habarlaıdy QazAqparat tilshisi.

Shańdy daýyl saldarynan «Aqtaý - Beıneý» tasjolynda kólikterdi kórý múmkindigi nasharlaǵan.

Búgin áleýmettik jelide jolaýshylar túsirgen beınetaspa jarııalandy. Vıdeony túsirgen er adamnyń habarlaýynsha, jolda 7 metrden alys jerdi kórý múmkin emes.

Al bir kún buryn tótenshe jaǵdaılar departamenti 20 qazanda Mańǵystaý oblysynyń keı jerlerinde naızaǵaı oınap, jeldiń ekpini 15-20 m/s deıin jetetinin habarlaǵan edi.

Eske sala keteıik, buǵan deıin Mańǵystaýdaǵy Beıneý aýdanynda shańdy daýyl turǵanyn jazǵan edik.

Beıneý aýdany boıynsha aýa raıy kúrt nasharlap, shańdy daýyl bolýyna baılanysty tústen keıingi aýysymda oqıtyn 8451 mektep oqýshy onlaın formatqa aýystyrylǵan bolatyn.