Mańǵystaýda servıstik kompanııaǵa 53 mln teńge aıyppul salyndy
AQTAÝ. QazAqparat - Mańǵystaý oblystyq prokýratýrasy «ÓzenMunaıServıs» kompanııasyna qaldyqtardy mejeden tys shyǵarǵany úshin jáne emıssııaǵa ruqsat qaǵazynyń bolmaýyna baılanysty 53 mıllıon teńge aıyppul saldy, dep habarlaıdy QazAqparat.
Oblystyq prokýratýranyń apparat basshysy Qýanyshbek Aqmurzaevtyń málimetinshe, oblystyq ekologııa departamenti bıylǵy jyldyń mamyrynda tekseris barysynda «ÓzenMunaıServıs» JShS tarapynan zań talaptarynyń buzylǵanyn anyqtaǵan. Departamenttiń esebi boıynsha, aýaǵa kelgen zııan 53 mln teńgeni quraǵan. Tekseris nátıjesinde mekemege aıyppul salynady.
Mundaı sheshimmen kelispegen kompanııa sotqa júginedi. Nátıjesinde Mańǵystaý oblystyq mamandandyrylǵan ekonomıkalyq soty mekeme tarapynyń aryzyn qanaǵattandyrǵan. Budan soń, oblystyq prokýratýra QR Bas prokýratýrasyna kasatsııalyq ótinishpen aryzdanady. Sot otyrysynda ekologtardyń aryzy qanaǵattandyrylyp, mekemege aıyppul salyndy.
