Mańǵystaýda satyp alý zańnamasyn buzǵan aýyl ákimi jazalandy
AQTAÝ. QazAqparat - Túpqaraǵan aýdany, Baýtın aýylynyń ákimi Dáýletkereı Meńdihanovtyń ústinen túsken aryz Ádep jónindegi keńestiń kezekti otyrysynda qaraldy, dep xabarlaıdy QazAqparat tilshisi.
Dáletkereı Meńdixanov Baýtın aýyly ákimdigimen M. Gorkıı atyndaǵy mektep-lıtseıi men J. Myńbaev atyndaǵy gımnazııanyń oqýshylaryn tasymaldaý boıynsha ótkizilgen konkýrs erejesin buzǵan.
ıAǵnı, atalǵan memlekettik satyp alý konkýrsyna ótinim bildirgen 3 jeke kásipkerden lotty utyp alǵanyna kóterińki baǵamen shaqyrtý jibergen.
Bastapqy qarajat kólemin ózgertip bergen. Osylaısha, ol zań buzýshylyqqa jol bergen. Budan basqa, aýyl ákimi Dáýletkereı Meńdihanovtyń memlekettik satyp alý konkýrsynyń naqty qorytyndysy shyqqanǵa deıin atalǵan jeke kásipkermen bir kózden satyp alý tásilimen kelisimshartqa otyrǵany belgili boldy.
Aıta ketý kerek, Ádep keńesiniń otyrysynda ákimdi qyzmetinen bosatý jóninde usynys aıtylǵan bolatyn. Alaıda komıssııa ákimniń kinásin moıyndaǵanyn eskere otyryp, oǵan eskertý túrindegi tártiptik jaza qoldandy.
