Mańǵystaýda salmaǵy 7 kelige jýyq alyp bala dúnıege keldi

AQTAÝ. QazAqparat - Mańǵystaý oblystyq perınataldy ortalyǵynda salmaǵy 6 keli 880 gramm bolatyn bala dúnıege keldi. Sábıdiń jaǵdaıy birqalypty, dep habarlaıdy QazAqparat Lada.kz resýrsyna silteme jasap.

Náresteniń anasy Munaıly aýdanynda turady, bul - onyń tórtinshi balasy.

Dárigerlerdiń aıtýynsha, ananyń da, balanyń da jaǵdaıy jaqsy. Anasyna kesar tiligi arqyly ota jasalǵan.

– Tekserý barysynda bosanatyn áıeldiń balasy óte iri ekenin túsindik. Sodan aqyldasyp, ony kesar tiligi arqyly bosandyrý kerek dep sheshtik. Operatsııa sátti aıaqtaldy. Mundaı jaǵdaılar sırek kezdesedi, óıtkeni osyndaı salmaqpen sábılerdiń dúnıege kelýi - erekshe qubylys, - dep habarlady oblystyq perınataldy ortalyqtyń baspsóz qyzmeti.

Bala men ana birneshe kún dárigerlerdiń baqylaýynda bolyp, úıine shyǵaryldy.

Shyqqan kezde náresteniń salmaǵy 6 keli 280 gramm bolǵan.

Tórt keliden asatyn balalar - iri, al salmaǵy 5000 gramnan asatyn sábıler alyp bala sanalady.