Mańǵystaýda salmaǵy 5 keli 800 gramm alyp qyz dúnıege keldi
Sábı 19 qańtarda dúnıege kelgen. Ol – Fort-Shevchenko qalasynyń 26 jastaǵy turǵynynyń besinshi balasy. Dárigerler bala salmaǵynyń úlken bolatynyn aldyn ala boljaǵan.
«19 qańtarda saǵat 12.35-te salmaǵy 5 800, boıy 65 sm qyzdy dúnıege ákeldim. Jaǵdaıym jaqsy. Barlyq dárigerlerge alǵysymdy aıtamyn. Men kóp balaly anamyn, bul – meniń besinshi sábıim. Balalarymnyń barlyǵy iri salmaqpen dúnıege keldi», - dedi jas ana Aıgúl Jumbaeva.
Mundaı balalardyń týý sebepteri ártúrli bolýy múmkin, al Aıgúl Jumabaevanyń jaǵdaıynda genetıkalyq tuqymqýalaýshylyq bar.
«Balanyń iri bolatynyn bilgenimizben operatsııa jasaýǵa negiz bolǵan joq. Áıeldiń densaýlyǵy jaqsy boldy. Jalpy, alyp uryqtyń paıda bolý sebepterine endokrındik aýrýlar, vıtamınderdi qabyldaý jáne tuqymqýalaýshylyq jatady», - dedi Aqtaý qalalyq perınıtaldyq ortalyǵynyń dárigeri Áıgerim Táńirbergenova.
Aıta ketsek, ótken jyly Aqtaý qalalyq perzenthanasynda 17 alyp sábı dúnıege kelgen. Qalalyq perınataldyq ortalyqta dúnıege kelgen balalardyń eń irisi – 6 200 kg boldy.
Foto avtordiki