Mańǵystaýda «Rýhanı jańǵyrý» kerýeni jolǵa shyqty

ASTANA. QazAqparat -Respýblıkada tuńǵysh ret uıymdastyrylǵan «Rýhanı jańǵyrý» kerýeni baǵytyn Mańǵystaýdan bastady, dep habarlaıdy ákimniń baspasóz qyzmeti.

Túrli sala ókilderiniń basyn qosqan kóshóńirdegi 56 eldi mekendi aralap, jastarmen kezdesedi.

Sharanyń maqsaty - Elbasynyń  «Bolashaqqa baǵdar: Rýhanı jańǵyrý»  baǵdarlamalyq  maqalasyn  iske  asyrýdyń  negizgi  baǵyttaryn  kórsete otyryp, jastardy óńirdiń áleýmettik-ekonomıkalyq ómirine belsendi qatystyrý. Sondaı-aq, memleket tarapynan jasalyp jatqan jobalardy jan-jaqty túsindirirý.
 

Kerýen quramyndaǵy top músheleri 5 baǵytta jumys jasaýdy qolǵa alǵan. Atap aıtsaq,  bos  ýaqytty  uıymdastyrý, jumyspen qamtý, quqyq buzýshylyqtyń aldyn alý, patrıottyq tárbıe berý, turǵyn úı jáne jataqhanmen qamtamasyz etý boıynsha túsindirý jumystaryn júrgizip, qoldaý kórsetý. Delegatsııa osy ýaqytqa deıin 4 aýdan men 26 eldi mekendi aralap, jergilikti jastardyń qatysýymen túrli sharalardy uıymdastyrǵandaryn aıtady. Qorytyndy kezdesýdi 15 qarasha kúni Aqtaý qalasyndaǵy Abaı atyndaǵy mádenı-demalys kesheninde ótkizýdi josparlap otyr.

«Rýhanı jańǵyrý»kerýeni ári qaraı Atyraý oblysyn aralaıtyn bolady.