Mańǵystaýda «Rallı Qazaqstan - 2017» jarysynyń ekinshi kezeńi aıaqtaldy
AQTAÝ. QazAqparat - Mańǵystaýda «Rallı Qazaqstan - 2017» - FIA halyqaralyq avtomobıl federatsııasynyń rallı reıd boıynsha álem chempıonatynyń ekinshi kezeńi aıaqtaldy. Saýd Arabııasynan kelgen Al Radjı ıAzed germanııalyq shtýrmanymen márege birinshi bolyp kelip, 3 saǵat 55 mınýt 55 sekýnd ýaqytty kórsetti, dep habarlaıdy «QazAqparat» HAA tilshisi.
Eki kúnniń qorytyndysy boıynsha katarlyq avtoshabandoz Al-Attııa birinshi orynda tur.
Jańaózen qalasynyń mańynan bastalǵan jarystyń bul kezeńi munaıshylar qalasyn sheńber ispettes aınalyp shyǵyp, Kendirli mańynda aıaqtaldy. Onyń jalpy uzaqtyǵy 495 shaqyrymdy qurady.
Jarystyń bul kezeńi Mańǵystaý oblysynyń oıly-qyrly jerlerinde ótkizilip jatqandyǵyn esterińizge salamyz.
«Rallı Qazaqstan - 2017» alty kezeńnen turady. Uzaqtyǵy 2494 shaqyrymdy quraıdy. Ekıpajdar myna sanattar boıynsha jarysýda: T1 - jetildirilgen serııalyq avtomobılder, T2 - serııalyq úlgilerden az ǵana aıyrmashylyǵy bar jeńil avtomobılder, T3 - jeńildetilgen avtomobılder men Ulttyq synyp.
